İsrail ordusunun gecə boyu endirdiyi zərbələr zamanı İran Silahlı Qüvvələrinin “Hatam-al-Anbiya” mərkəzi qərargahının rəisi, SEPAH generalı Əli Şadmani öldürülüb. Bu barədə məlumatı İsrail Müdafiə ordusunun Mətbuat xidməti yayıb.

“İsrail Hərbi Hava Qüvvələrinin qırıcıları dəqiq kəşfiyyat məlumatları əldə etdikdən sonra, gecə Tehranda baş qərargaha hücum edib və Əli Şadmanini zərərsizləşdirib”, - deyə məlumatda qeyd olunub. 

Qeyd edək ki, o, iyunun 13-də sözügedən posta təyin edilmişdi.