Futbol üzrə Almaniya Bundesliqasında XVIII tura yekun vurulub.

AZƏRTAC xəbər verir ki, turun son matçında "Bavariya" doğma meydanda "Union"u (Berlin) qəbul edib.

Görüş Münhen təmsilçisinin 1:0 hesablı qələbəsi ilə yekunlaşıb.

Qarşılaşmada yeganə qolu 46-cı dəqiqədə Rafael Qerreyru vurub.

Qeyd edək ki, turnir cədvəlinə 48 xalla Leverkuzenin "Bayer"i başçılıq edir. "Bavariya" 44 xalla 2-cidir. 34 xalla "Ştutqart" 3-cü, 33 xalla "Leyptsiq" isə beşinci pillədə qərarlaşıb.