Sərnişin və Yük Sərhəd Komandası/Qlobal Konteyner Nəzarət Proqramı (PCBT/CCP) tərəfindən Gömrük Orqanları və Liman Nəzarət Bölmələrinin Regionlararası Şəbəkəsində (İREN) iştirak edən ölkələrin (Azərbaycan, Gürcüstan, Qazaxıstan, Qırğızıstan, Pakistan, Tacikistan, Türkmənistan, Ukrayna və Özbəkistan) səlahiyyətli qurumları (gömrük, hüquq mühafizə və prokurorluq) üçün keçirilən ikinci regionlararası təlim “Narkotiklərin dövriyyəsi şəbəkələrinin planlaşdırılmasının qarşısının alınması” mövzusunda olub.

  Təlimdə Azərbaycan Respublikasının Baş Prokurorluğunu qurumun Ədliyyə, gömrük və vergi orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin prokuroru Məmməd Məmmədov təmsil edib.

  Təlimdə beynəlxalq narkotrafiklə məşğul olan mütəşəkkil cinayətkar qrupların fəaliyyəti, istifadə etdikləri üsul, alət və vasitələr, həmçinin gömrük və digər əlaqəli dövlət xidmətlərinin preventiv imkanları, o cümlədən beynəlxalq məlumat mübadiləsi sistemləri təhlil edilib, bu sahədə mübarizənin effektivliyinin artırılmasına kömək edə biləcək nəzəri analitik yanaşma metodları nümayiş olunub və müvafiq praktiki məşğələlər keçirilib.