Albaniyanın paytaxtı Tirana şəhərində keçirilən qeyri-olimpiya çəki dərəcələri üzrə dünya çempionatında qızıl medal qazanan Azərbaycan yunan-Roma güləşçiləri Vətənə dönüblər.

Lider-media.az xəbər verir ki, yığma üzvlərini Heydər Əliyev Beynəlxalq Aeroportunda Azərbaycan Güləş Federasiyasının nümayəndələri, media mənsubları, azarkeşlər və idmançıların yaxınları qarşılayıblar.

Qeyd edək ki, dünya çempionatında Ülvü Qənizadə (72 kq), Nihat Məmmədli (63 kq) və Eldəniz Əzizli (55 kq) qızıl medal qazanıblar. E.Əzizli karyerasında 4-cü dəfə dünya çempionatında qızıl medala yiyələnib.