Azərbaycan Respublikası  Atçılıq Federasiyasının təşkilatçılığı ilə Binə Atçılıq Mərkəzində baş tutan "Çövkən" üzrə Dünya Çempionatının açılış  mərasimi keçirilib.

Lider-media.az xəbər verir ki, Dövlət Himninin səsləndirilməsi ilə başlanan tədbirdə Azərbaycan Respublikası Atçılıq Federasiyasının (ARAF) prezidenti, Dövlət Sərhəd Xidmətinin rəisi Elçin Quliyev, Azərbaycan Respublikası Atçılıq Federasiyasının birinci vitse-prezidenti Bəsirət Quliyev, Beynəlxalq Çövkən Federasiyasının prezidenti Bəhruz Nəbiyev və digər rəsmi şəxslər iştirak ediblər.

Azərbaycan Respublikası Atçılıq Federasiyasının birinci vitse-prezidenti Bəsirət Quliyev və Beynəlxalq Çövkən Federasiyasının prezidenti Bəhruz Nəbiyev çıxış edərək yarış iştirakçılarına uğurlar arzulayıblar.

Rəsmilərin çıxışından sonra mundial iştirakçılarının paradı gerçəkləşib. Ardından oyunlara start verilib.

Qeyd edək ki, iyunun 10-dan 16-dək davam edəcək dünya çempionatında Azərbaycanla yanaşı, Almaniya, Qazaxıstan, Küveyt, Malta, Mərakeş, Nigeriya, Polşa, Türkiyə və Özbəkistan komandaları mübarizə aparacaq.

Dünya çempionatının bağlanış mərasimi iyunun 16-da baş tutacaq.