Belarus prezidenti Aleksandr Lukaşenko rəqiblərini küçələrə çıxmaqdansa, prezident seçkilərində iştirak etməyə dəvət edib.
Lider-media.az xəbər verir ki, bu barədə “TASS” məlumat yayıb.
“Mən həmişə olduğu kimi onlara məsləhət vermək istəyirəm: əgər onlar ölkəni dəyişmək və prezident seçkilərində iştirak etmək, haqlı olduqlarını sübut etmək və ya başqa bir şey etmək istəyirlərsə, gəlib prezident seçkilərində mübarizə aparmalıdırlar. Pulemyotsuz və sanksiyalarsız” deyə Lukaşenko iclasda bildirib. 
Lukaşenko müxalifətə tövsiyə edib ki, insanlara gəlib izah etsinlər ki, niyə Belarus ərazisinə silahlı basqın etməyi planlaşdırırsınız. Prezidentin sözlərinə görə, hakimiyyət orqanlarında insanlara bildirilməli olan çoxlu sayda oxşar faktlar var. 
Xatırladaq ki, Belarusda növbəti prezident seçkilərinin 2025-ci ildə keçirilməsi planlaşdırılır.