ABŞ prezidentliyinə namizəd Donald Tramp Amerikada yüksək inflyasiya və Ukraynadakı hərbi münaqişəni  Bayden administrasiyasının “nailiyyətlər siyahısına” daxil edib.

Lider-media.az xəbər verir ki, o, bu barədə “Truth” sosial şəbəkəsindəki səhifəsində məlumat yayıb.

Bundan əlavə, prezident Cozef Bayden və vitse-prezident Kamala Harrisin “nailiyyətləri” arasında Amerika qoşunlarının Əfqanıstandan çıxarılması, Qəzza zolağında münaqişə, 15 milyon qeyri-qanuni miqrantın ABŞ-yə yerləşməsi, cinayətlərin kəskin artması, eləcə də istehlak borcunun rekord həddə çatması da var.

Tramp, həmçinin Ağ Evin hazırkı administrasiyasını prezident Cozef Baydenin fiziki və psixi vəziyyəti haqqında yalan danışmaqda və hakimiyyətdən sui-istifadə edərək siyasi rəqiblərinə hücum etməkdə ittiham edib.