Almaniya Moldovanın Avropa İttifaqına (Aİ) inteqrasiya yolunda dəstəklənməsində böyük rol oynayır.
Lider-media.az xəbər verir ki, bunu Almaniya kansleri Olaf Şolzla görüşdən sonra respublika prezidenti Maya Sandu bildirib.

“Moldova Avropa ailəsinə qoşulmağı çox gecikdirdi, lakin indi biz avropalı tərəfdaşlarımızın dəstəyi ilə bu prosesdə qətiyyətli addımlar atırıq. Almaniya Moldovanın Avropaya inteqrasiya yolunda dəstəklənməsində böyük rol oynayır və biz bunu yüksək qiymətləndiririk”.

Sandu əlavə edib ki, Almaniya Moldovanın ticarət tərəfdaşları arasında beşinci yerdədir və Berlinlə Kişinyov arasında iqtisadi əlaqələrin inkişafının tərəfdarıdır. Onun sözlərinə görə, Almaniya Moldovanın enerji zəifliyini azaltmaq üçün fonda 40 milyon avro ayırıb.