Cari ilin 27-29  noyabr tarixlərində Birləşmiş Millətlər Təşkilatının Narkotiklər və Cinayətkarlıq üzrə İdarəsinin (UNODC) Mərkəzi Asiya və Cənubi Qafqaz regionu üzrə hüquqi əməkdaşlıq şəbəkəsi (CASC) ilə Qazaxıstan Respublikası Baş Prokurorluğu yanında Hüquq mühafizə  orqanlarının  Akademiyası  tərəfindən “Cinayət işləri üzrə elektron sübutların işlənməsi sahəsində beynəlxalq əməkdaşlıq ” mövzusunda Qazaxıstan Respublikasının paytaxtı Astana şəhərində beynəlxalq seminar keçirilib.
   
“Meta”, “Tiktok” və bir sıra internet provayderlərin nümayəndələrinin iştirak etdiyi seminarda ekspert qismində çıxış edən Baş Prokurorluğun Beynəlxalq hüquqi əməkdaşlıq idarəsinin prokuroru Murad Bayramlı ölkəmizin cinayət işləri üzrə beynəlxalq əməkdaşlıq və elektron sübutların əldə edilməsi sahəsindəki müsbət təcrübəsi barədə danışaraq, prokurorluğun bütün fəaliyyət istiqamətlərini vahid elektron platformada birləşdirən “Elektron prokurorluq informasiya sistemi"nin fəaliyyəti, eləcə də həmin sistemin hüquqi yardım haqqında sorğuların icra və tərtibindəki rolu barədə geniş məlumat verib.