Türkiyə Prezidenti Rəcəb Tayyib Ərdoğan gələn həftə başlayacaq BMT Baş Assambleyasının yüksək səviyyəli həftəsindən öncə ABŞ-nin vitse-prezidenti Kamala Harrislə görüşməyi planlaşdırır.

Lider-media.az “Bloomberg”ə istinadən xəbər verir ki, ABŞ-də qarşıdan gələn prezident seçkilərində Demokratlar Partiyasından prezidentliyə namizədliyini irəli sürən Harris seçki kampaniyası üçün vəsait toplama tədbirində iştirak etmək üçün bazar günü Nyu Yorka gələcək.

Nəşr yazır ki, Türkiyə lideri Harrislə görüş istəyib və onun komandasından cavab gözləyir. Ərdoğan ABŞ-nin Demokratlar Partiyasından vitse-prezidentliyə namizədi Tim Uolts ilə də görüşə açıqdır.

“Türkiyə Prezidentinin demokratlarla görüşündə əsas məqsəd rəsmi Ankaranın Vaşinqtonla münasibətlərin səviyyəsini saxlamaqdır”, - “Bloomberg” qeyd edir.