Qlobal Cənub QHT Platformasının müvəqqəti Baş katibi Ramil İskəndərli iyunun 25-26-da Londonda “İqlim İnnovasiya Forumu - 2025”də iştirak edib. London İqlim Fəaliyyəti Təşkilatının təşəbbüsü ilə tarixi “Guildhall” Sarayında keçirilən Foruma dünyanın biznes, maliyyə, vətəndaş cəmiyyəti elitasından 2000 nəfərdən çox təmsilçi qatılıb.
Toplantıda Böyük Britaniyanın enerji təhlükəsizliyi və sıfır emissiya üzrə dövlət katibi Ed Miliband, COP29 Prezidenti, Azərbaycan Prezidentinin iqlim məsələləri üzrə nümayəndəsi Muxtar Babayev, Braziliyanın ətraf mühit və iqlim dəyişmələri naziri Marina Silva, Böyük Britaniyanın iqlim üzrə xüsusi nümayəndəsi Reyçel Kayt, London meri Sadıq Xan, COP29-un yüksək səviyyəli çempionu Nigar Arpadarai və digər şəxslər çıxış ediblər.
Forum çərçivəsində “Təbiətə müsbət yanaşma: təhlükəsiz və ədalətli gələcəyə keçid” adlı nəşrin təqdimatı da baş tutub. Mərasimdə Qlobal Cənub QHT Platformasının bu xüsusda fəaliyyəti diqqət mərkəzində olub. Müvəqqəti Baş katib Ramil İskəndərli təqdimatda çıxış edib:“Bu əsərin müəlliflərinin baxışı bizim baxışımızla üst-üstə düşür: bu hamı üçün ədalətli, inklüziv və davamlı gələcəyi təmin etmək baxışıdır. İqlim dəyişmələrinə ən çox məruz qalan Qlobal Cənub regionu təbiətə əsaslanan müsbət keçid prosesinin mərkəzində dayanmalıdır. Biz Qlobal Cənubda təbiətə əsaslanan həllər üçün genişmiqyaslı, inklüziv və riskləri azaldılmış ədalətli maliyyələşmənin təmin olunmasında maraqlıyıq. Platformamız iqlim fəaliyyətinə dair qərarlar zamanı Qlobal Cənubun vətəndaş cəmiyyəti təsisatlarının rəyinin gözardı edilməməsinə çağırır. Qlobal Cənub QHT Platforması bu işə töhfə verməkdə, dialoq məkanı olmaqda davam edəcək. Bu, iqlim maliyyəsinin ədalətli, ləyaqətlə və etimad prinsipləri əsasında bölüşdürülməsi deməkdir”.
Xatırladaq ki, aprelin 28-də 116 ölkədən QHT-lərin iştirakı ilə Bakıda təsis edilmiş Qlobal Cənub QHT Platformasının ilk yan tədbiri iyunun 19-da Almaniyada keçirilib. BMT-nin İqlim Dəyişmələri üzrə Çərçivə Konvensiyasının Yardımçı Orqanlarının 62-ci sessiyası (SB62) çərçivəsində Bonnda “Ədalətli dünya naminə birləşmək: bərabər iqlim həlləri üçün Cənub-Cənub həmrəyliyi və tərəfdaşlıqlarının gücləndirilməsi” adlı yan tədbirdə 32 ölkədən 47 QHT təmsilçisi və iqlim fəalları iştirak edib.
Ramil İskəndərli bildirib ki, Bonn müzakirələri zamanı götürülmüş qeydləri Qlobal Cənub QHT Platforması Londonda keçirilmiş “İqlim İnnovasiya Forumu - 2025”də səsləndirib.
Son 2 ay ərzində Qlobal Cənub QHT Platformasının Nyu York, Bonn, London təmasları göstərir ki, bu Platforma Qlobal Şimal və Qlobal Cənub arasında mövqe fərqliliklərinin aradan qaldırılması, daha inklüziv və effektiv dialoqu inkişaf etdirmək, etimad quruculuğu işinə töhfə vermək üçün əzmlə çalışır.
Qeyd edək ki, mayın 29-da Nyu Yorkda BMT-nin Cənub-Cənub Əməkdaşlığı üzrə Ofisinin (UNOSSC) direktoru Dima Al-Khatib də Qlobal Cənub QHT Platformasının yaradılmasını alqışladığını bəyan edib.





ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Prezident İlham Əliyev forumda iştirak edib
Bakıda “Həmrəy fəaliyyət: yeni və ədalətli dünya üçün Qlobal Cənub QHT-lərinin gücləndirilməsi” Forumu işə başlayıb
Şuşada 2-ci Qlobal Media Forumunun açılış mərasimi keçirilib Prezident İlham Əliyev Forumda iştirak edib YENİLƏNİB
ADA Universitetində Prezident İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib YENİLƏNİB VİDEO
Prezidentin müsahibəsinin TAM MƏTNİ
2027-ci ildə növbəti “Yüksəliş” müsabiqəsinin keçirilməsi ilə bağlı tədbirlər haqqında Azərbaycan Respublikası Prezidentinin Sərəncamı
Leyla Əliyeva:“Hər bir qadın öz gücünə inansın”
Noyabrın 17-də gözlənilən hava şəraiti
Birgə Bəyannamə - strateji tərəfdaşlığın yeni yol xəritəsi
Azərbaycan Respublikası Prezidentinin Fərmanı
Azərbaycan regional nəqliyyat xəritəsində mövqeyini möhkəmləndirir
Azərbaycan Respublikasının Əmək Məcəlləsində dəyişiklik edilməsi haqqında Azərbaycan Respublikasının Qanunu
“Dövlət satınalmaları haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu
Süni intellekt müharibənin qaydalarını dəyişir: dünya ölümcül avtonom silahların təhlükəsi qarşısında
Sənaye istehsalı haqqında
Kənd təsərrüfatı məhsulu istehsalı
Əsas kapitala yönəldilmiş investisiyalar
Kamran Əliyev Argentina ədliyyə naziri Xuan Bautista Mahikeslə görüşüb
İsmayıllı DOST Evinin açılışından 3 il ötüb
Tolerantlıq – fərqliliklərdən doğan birlik və həmrəylik
Ombudsman beynəlxalq ictimaiyyəti Azərbaycanda humanitar minatəmizləmə fəaliyyətinə dəstəyi gücləndirməyə çağırıb
Dövlət Xidməti Ucarda gənclər üçün tədbir keçirib
Vaxtından əvvəl doğulan uşaqların sağlam inkişafı üçün nələr vacibdir? - Səhiyyə Nazirliyinin mütəxəssisindən vacib tövsiyələr
Dövlət sərhədini pozmağa cəhd edən paratrike tipli uçuş aparatı zərərsizləşdirilib
Nazir Məcnun Məmmədovun rəhbərlik etdiyi nümayəndə heyəti ABŞ-da işgüzar səfərdədir

Erməni deputatlardan əzələ nümayişi
Alimlər hüceyrələrin keçmişini öyrənməyə imkan verən yeni texnologiya hazırlayıblar
Yodun bir damlası, gələcəyin min ümidi
Ürəyin hər döyüntüsü – həyatın bizə bəxş etdiyi ən qiymətli səs
Payızın astanasında: Zamanın böyük dövranı