“Xankəndidə keçiriləcək İqtisadi Əməkdaşlıq Təşkilatının (İqƏT) 17-ci Zirvə görüşündə 13 ölkədən nümayəndələr iştirak edəcək. Tədbirdə regionun sonrakı gələcəyi ilə bağlı önəmli müzakirələr aparılacaq”. 
Lider-media.az xəbər verir ki, bu fikirləri Türkiyənin Azərbaycandakı səfiri Birol Akgün AzTV-yə müsahibəsində deyib. 
 “Biz Türkiyə-Azərbaycan əlaqələrinin davamlı olaraq daha da inkişaf etdirilməsinə dəstəyimizi əsirgəməyəcəyik. Biz iki qardaş ölkə kimi bir-birimizə ürəkdən, candan bağlıyıq və bu, gələcəkdə də belə davam edəcək", - deyə səfir vurğulayıb. O, Türkiyə Prezidenti Rəcəb Tayyib Ərdoğanın da Zirvə görüşündə iştirak edəcəyini deyib.  
Azərbaycan-Türkiyə qardaşlıq münasibətlərinin media sahəsindəki əhəmiyyətindən danışan Birol Akgün AzTV-nin media fəaliyyətini də yüksək qiymətləndirib. Səfir birgə əməkdaşlığın genişləndirilməsinin vacibliyini vurğulayıb. 

Səadət