Azərbaycan Prezidenti İlham Əliyevin 2006-cı il 12 iyun tarixli Sərəncamı ilə qaz təsərrüfatı işçilərinin peşə bayramı günü təsis edilmişdir və hər il iyunun 20-də ölkəmizdə bu bayram təntənəli surətdə qeyd olunur.

Artıq 19-cü ildir ki, Azərbaycanda qaz təsərrüfatı işçiləri peşə bayramlarını qarılayırlar. Respublikamızda qaz təsərrüfatının yaranma tarixinin ötən əsrin 20-ci illərinə təsadüf etməsinə baxmayaraq, keçmiş SSRİ Xalq Komissarları Sovetinin 1936-cı ildə qəbul etdiyi qərar əsasında həmin ildən etibarən respublikamızda qaz təsərrüfatı rəsmən fəaliyyətə başlamışdır.

Azərbaycanda qaz təsərrüfatı 89 il bundan əvvəl yaransa da, onun əsl inkişaf tarixinin 1969-cu ildən - ümummilli liderimiz Heydər Əliyev Azərbaycanda birinci dəfə hakimiyyətə gəldikdən sonra başlanılmış, ulu öndərin rəhbərliyi altında həmin illərdə bu sahədə uğurlar qaznımışdır. Ötən əsrin 70-ci illərində respublikamızın ərazisinin 85 faizi təbii qazla təmin edilmiş, o zaman ulu öndərin titanik fəaliyyəti bugünkü müstəqil Azərbaycanın qaz təsərrüfatının inkişafı üçün böyük stimul yaratmışdır.