Kiçik yaşlı uşaqların ətraf mühit sahəsinə marağını artırmaq məqsədilə Kaspi Beynəlxalq məktəbinin məktəbəqədər sinif şagirdləri üçün Milli Hidrometeorologiya Xidmətinin Situasiya Mərkəzinə ekskursiya təşkil olunub.
Tədbir zamanı Xidmətin mütəxəssisləri tərəfindən uşaqlara Hidrometeorologiya muzeyində yer alan eksponatlar, avadanlıqlar, ölçü cihazları nümayiş etdirilib və onların funksiyaları izah olunub.Daha sonra Situasiya Mərkəzində uşaqlara hidrometeoroloji müşahidələrin aparılmasının və hava proqnozunun hazırlanmasının önəmi, o cümlədən hidrometeoroloji təbiət hadisələri barədə məlumat verilib.