Fevralın 29-da Gənclər və İdman Nazirliyi “İdman həftəsi” çərçivəsində idman federasiyaları, paralimpiya və deflimpiya komitələrinin əməkdaşları arasında "Fibonaççi" intellektual yarışı təşkil edib.

Milli Gimnastika Arenasında 130-dək federasiya nümayəndəsi arasında təşkil olunan oyunun qaydaları açıqlandıqdan sonra yarışa start verilib. Yekun nəticələrə əsasən Azərbaycan Üzgüçülük Federasiyası yarışın qalibi olub. Azərbaycan Kanoe və Avarçəkmə Federasiyası ikinci, Azərbaycan Boks Federasiyası isə üçüncü yeri tutublar.