Cüdo üzrə yeniyetmə qızlardan ibarət Azərbaycan millisi Çexiyanın Teplis şəhərində keçirilən beynəlxalq təlim-məşq toplanışında iştirak edib.

Azərbaycan Cüdo Federasiyasından Lider-Media.az-a verilən məlumata görə, iki günlük hazırlıq prosesinə yığmanın 12 üzvü qatılıb.

Qeyd edək ki, təlim-məşq toplanışı mayın 4-5-də keçiriləcək Göygöl Avropa Kubokuna, iyun və avqust aylarında keçiriləcək Avropa və dünya çempionatlarına hazırlıq məqsədi daşıyır.