İttifaq üzvlərinin sağlamlığının qorunması, müalicə və istirahətinin təşkili məqsədilə Azərbaycan Həmkarlar İttifaqları Konfederasiyasının (AHİK) ölkəmizin bir sıra səfalı guşələrində istirahət mərkəzləri və sanatoriya-kurort müəssisələri fəaliyyət göstərir. Belə müəssisələrdən biri də “Buzovna” Fizioterapiya Mərkəzidir. Sağlamlığı bərpa etmək və həyat keyfiyyətini yüksəltmək üçün burada hər cür şərait yaradılıb. 
Mərkəzdə 90 nəfərlik iki dördmərtəbəli yataq korpusu var. Müalicə korpusunun birinci mərtəbəsində yeməkxana zalı, ikinci mərtəbəsində müalicə və müayinə kabinetləri, masaj otaqları yerləşir. Qapalı hovuz da müalicə olunanların istifadəsindədir.
Müalicə korpusunda 130-dan çox növdə ümumilikdə 500 müalicə prosedurunu gün ərzində həyata keçirmək mümkündür.
Burada geniş çeşidli prosedurlar təklif olunur:
•    Mineral su vannaları, sualtı duş-masajlar və müasir SPA kapsulaları
•    Müalicəvi masaj, idman və fitness
•    Hirudoterapiya (zəli ilə müalicə), Naftalan aplikasiyaları, müalicəvi palçıq və parafin terapiyası
Texnoloji yanaşmalar:
•    Elektroterapiya, maqnitoterapiya, ultrasəs müayinəsi, darsanval terapiya
•    Akupunktura, lazer terapiyası, ozonoterapiya, zərbə dalğa terapiyası
Holistik sağlamlıq proqramları:
•    Əməliyyatdan sonrakı reabilitasiya və xroniki vəziyyətlərin müalicəsi
•    Qadın və reproduktiv sağlamlıq üzrə kompleks yanaşmalar
•    Stress azaldılması və detoks üçün xüsusi proqramlar

“Buzovna” Fizioterapiya Mərkəzi holistik yanaşma, müasir avadanlıq və fərdi proqramları ilə əlverişli istirahət imkanı təqdim edir. Dənizin sakitləşdirici təsiri, geniş müalicə prosedurlarına və rahat istirahətə yolunuz bizdən keçir. 
Yollayış almaq istəyənlər “Kurort” Turizm İnformasiya Mərkəzi ilə əlaqə saxlaya bilərlər:

Telefon:
+99450 3283811
+99450 3283877
+99412 4925010
+99412 4927553