Azərbaycan Respublikası Hesablama Palatasının "Dövlət auditi" rəsmi məlumat bülleteninin 2024-cü il üzrə 3-cü nömrəsi rəsmi internet səhifəsində yerləşdirilib.Bülletenin bu nömrəsində Hesablama Palatası tərəfindən həyata keçirilən kənar dövlət maliyyə nəzarəti tədbirlərinin nəticələri barədə məlumatlara geniş yer ayrılıb.Həmçinin bülletendə "Yaşıl dünya naminə həmrəylik ili” ilə əlaqəli yaşıl dövlət satınalmalarına və yaşıl büdcə prosesinə keçidə dair mövzularda Hesablama Palatasının əməkdaşlarının məqalələri dərc edilib. Eyni zamanda, 2025-ci ilin ilkin büdcə layihəsi üzrə fiskal risklər, Ali Audit Orqanlarının Avropa Təşkilatının Ətraf Mühitin Auditi üzrə İşçi Qrupunun illik toplantısı, habelə insan kapitalının inkişafında performans idarəetmə ilə bağlı məqalələrə də yer verilib.

"Dövlət auditi" rəsmi məlumat bülleteninin 2024-cü il üzrə 3-cü nömrəsi ilə "Fəaliyyət" bölməsinin "Dövlət auditi jurnalı" alt bölməsindən tanış ola bilərsiniz.