Yeməkdən sonra çoxlu gəyirmək mədə xəstəliyindən xəbər verə bilər.

Lider-media.az xəbər verir ki, bu barədə qastroenteroloqlar xəbərdarlıq edib. 

Qeyd edilib ki, gəyirmə normal fizioloji prosesdir. Bu, adətən yeməkdən sonra dörd dəfəyə qədər baş verə bilər. Bunun başlıca səbəbləri isə yeməyi sürətli qəbul etmək, qazlı içkilər içmək və s. amillərdir.

Bundan başqa, əksər hallarda gəyirmək zərərsiz olsa da, şişkinlik, qarın ağrısı, həzmsizlik kimi digər simptomlarla müşayiət olunan zaman bu, sağlamlıq problemlərindən xəbər verir. Qastrit də gəyirməyə səbəb ola bilər. Bəzən bu, daha ciddi xəstəliklərlə, məsələn, mədə xərçəngi ilə əlaqələndirilir.