“Sovet dövrü dağıldıqdan sonra təhsil sistemində ciddi boşluqlar yarandı. Bu boşluqdan istifadə edən bəzi Qərb qüvvələri post-sovet ölkələrində özlərinə yer etməyə başladılar”. 

Bu sözləri Lider-media.az-a danışan siyasi şərhçi Turab Rzayev deyib.

Onun sözlərinə görə, illərlə fərqli metodlar sınandı: gah hansısa ölkədən kopyalandı, gah da qarışıq sistem tətbiq olunmağa çalışıldı: 

“Bütün bunlar daha çox  təhsildə sistemli ardıcıllığın pozulmasına səbəb oldu. 
Bunun nəticəsində post-sovet ölkələrində təhsil sisteminın deqradasiyaya uğramasına, ümumi bilik səviyyəsinin aşağı salmasına gətirib çıxardı. Bir çox ölkələrdə də kənd yerlərində ümumi oxuma-yazma faizlərinin aşağı düşməsinə şahid olduq”.