"Regional İnkişaf" İctimai Birliyi region gənclərinin şəxsi inkiaşfına dəstək verən layihələri davam etdirir. 
Lider-media.az xəbər verir ki, növbəti belə layihə Oğuz rayonundan olan gənclər üçün təşkil ediləcək. 
İştirak üçün 17-29 yaşarası gənclərin qeydiyyatına start verilir. 
Layihənin əsas məqsədi Oğuz gənclərinin liderlik və komanda ilə işləmək bacarıqlarını inkişaf etdirmək, onların yeni bilik və təcrübələr qazanmasına dəstək olmaq, effektiv kommunikasiya və yaradıcı düşüncə kimi keyfiyyətlərə yiyələnmələrinə imkan yaratmaq, eyni zamanda gənclər arasında şəbəkələşməni genişləndirməkdir. 
3 ay davam edəcək proqramı uğurla başa vuran iştirakçılara sertifikatlar təqdim olunacaq. 

Müraciət üçün son tarix: 30 sentyabr 2024-cü il. Qeydiyyat linki: https://shorturl.at/VDv76