“ABŞ prezidenti Cozef Bayden seçkidən qabaq “Telegram”a nəzarəti ələ keçirmək niyyətindədir”.

Lider-media.az xəbər verir ki, bu fikri Rusiya Dövlət Dumasının sədri Vyaçeslav Volodin deyib.

"Telegram” ABŞ-nin təsiri altında olmayan, eyni zamanda ən böyük internet platformalarından biridir. Həmçinin bu platforma onları maraqlandıran bir çox ölkələrdə fəaliyyət göstərir. Ona görə də, seçkilər ərəfəsində Bayden “Telegram”a nəzarət etmək istəyir” deyə o, əlavə edib.

Volodinin sözlərinə görə, “Telegram”ın aktiv fəaliyyət göstərdiyi və inkişaf etdiyi dövlətlər baş verənlərin mahiyyətini anlamalı və özləri qərar verməlidirlər ki, onlar Vaşinqtonun da bu platformaya nəzarət etməsini istəyirlər, yoxsa yox.