Xalq artisti Emin Ağalarov Bakıda ilk aldığı avtomobili nümayiş etdirib. Bu barədə müğənni sosial şəbəkədə paylaşım edib. Bildirib ki, maşını 20 il əvvəl alıb. "Leyla xanımla (Leyla Əliyeva) görüşməyə başlayanda, bu, Bakıda aldığım ilk maşın idi. Mənim üçün maşın çox vacib idi. Bu avtomobili o qədər sevdim ki, 20 ildən çox keçsə də, yenə ən sevdiyim maşın olaraq qalır. Deyirlər, "Range Rover" xarab olur. Bu, düz deyil. Bir neçə il əvvəl texniki problemləri var idi, amma əla maşındır" deyə, Emin bildirib.