2026-cı ilin dövlət büdcəsində müdafiə və milli təhlükəsizlik xərcləri ümumi büdcə xərclərinin təqribən 21 faizini, yəni 8,7 milyard manat təşkil edir. 
Lider-media.az xəbər verir ki, bunu Baş nazir Əli Əsədov Milli Məclisin plenar iclasında çıxışı zamanı deyib. 

Baş nazir əlavə edib: "Bu gün Azərbaycanda hərbi sənaye sürətlə inkişaf edir. Artıq bir çox ölkələrə hərbi təyinatlı məhsul ixrac edirik. Prezident tərəfindən hökumət qarşısında vəzifə qoyulub ki, həm daxili tələbatı ödəmək, həm də ixrac etmək üçün sənaye klasteri yaradılsın. Bu istiqamətdə artıq müvafiq işlər aparılır”.