Azərbaycan Həmkarlar İttifaqları Konfederasiyasında (AHİK) “IndustriALL” Qlobal Həmkarlar İttifaqı Birliyinin nümayəndəsi Kamal Özkanla görüş keçirilib.

Görüşdə AHİK-in beynəlxalq əlaqələri, üzv olduğu təşkilatlarla əməkdaşlıq və ölkəmizdə həmkarlar ittifaqları səviyyəsində təşkil olunan beynəlxalq tədbirlər barədə məlumat verilib.

Tədbirdə həmçinin əmək hüquqlarının müdafiəsi, layiqli iş şəraitinin yaradılması, üzvlərin sağlamlığının qorunması, müalicə və istirahətinin səmərəli təşkili sahəsində görülən işlər, həmkarlar ittifaqları sistemində aparılan islahatlar, tətbiq edilən yeniliklər diqqətə çatdırıb, Konfederasiyanın fəaliyyətindən, həyata keçirdiyi layihələrdən bəhs edən videoçarx nümayiş etdirilib.

“IndustriALL” Qlobal Həmkarlar İttifaqı Birliyinin nümayəndəsi Kamal Özkan təmsil etdiyi qurumun fəaliyyətindən bəhs edib, AHİK-in üzv təşkilatı Azərbaycan Neft və Qaz Sənayesi İşçiləri Həmkarlar İttifaqı Respublika Komitəsi ilə əlaqələrdən danışıb.

Görüşdə əməkdaşlığın genişləndirilməsi perspektivləri və qarşılıqlı maraq doğuran digər məsələlər barədə fikir mübadiləsi aparılıb.

Sonda “IndustriALL” Qlobal Həmkarlar İttifaqı Birliyinin nümayəndəsi Kamal Özkan AHİK-in “Kurort” Turizm İnformasiya Mərkəzinin, eləcə də Əməyin Mühafizəsi və Hüquqi Yardım Mərkəzinin fəaliyyəti ilə tanış olub.