Azərbaycan Həmkarlar İttifaqları Konfederasiyasının (AHİK) Əmək və Sosial Münasibətlər Akademiyası (AƏSMA) və AHİK-in üzv təşkilatı Təhsil İşçiləri Azad Həmkarlar İttifaqı Respublika Komitəsinin (ATİAHİRK) birgə təşkilatçılığı ilə həmkarlar ittifaqları sistemində çalışan rəhbər şəxslər üçün keçirilən təlimlər başa çatıb.

Əmək və sosial təminat qanunvericiliyinin tətbiqi məsələləri mövzularında təşkil edilən təlimlərin məqsədi iştirakçıların əmək hüququ və sosial təminat sahəsində biliklərini daha da artırmaq, qanunvericiliyin praktiki tətbiqi zamanı yaranan məsələlərə aydınlıq gətirmək və peşəkar bacarıqları inkişaf etdirməkdir.Təlimlər Azərbaycan Respublikası Vəkillər Kollegiyasının üzvü professor Mayis Əliyev və iqtisad elmləri doktoru, professor Rəsmiyyə Abdullayeva tərəfindən interaktiv formatda keçirilib. Təlimlərin sonunda ATİAHİ RK-nın sədr müavini Mirzə Cəfərov, şöbə müdiri Nigar Hacıyeva və AƏSMA-nın rektor vəzifəsini icra edən Yusif Ağayev çıxış edərək həmkarlar ittifaqlarında çalışan əməkdaşların hüquqi savadlılığının artırılmasının önəmini, bu baxımdan təlimlərin əhəmiyyətini qeyd ediblər.

Təlimləri uğurla bitirən iştirakçılara sertifikatlar təqdim olunub.