"Rusiya Qarabağı rəsmən Azərbaycanın ərazisi kimi tanıyır". Bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova bildirib. O iddia edib ki, Rusiya Prezidenti Vladimir Putinin köməkçisi Vladimir Medinski Qarabağla bağlı şərhində vəziyyətin tarixi aspektindən və sosial-mədəni xüsusiyyətlərindən danışıb, Xatırladaq ki, Medinski keçmiş Ermənistan-Azərbaycan münaqişəsi ilə bağlı qalmaqallı açıqlama verib. “Russia Today” kanalına müsahibəsində o, Qarabağı “mübahisəli ərazi” kimi təqdim edib və bu bölgəni Ukraynadakı müharibə ilə müqayisə etməyə çalışıb. Rəsmi Bakı Medinskinin çıxışına dərhal və sərt reaksiya verib.