Litva hökuməti mayın 19-da Beynəlxalq Ədalət Məhkəməsində Belarusa qarşı iddia qaldıraraq , Belarus rejiminin Litvaya genişmiqyaslı qeyri-qanuni mühacir gətirilməsinin təşkilinə görə məsuliyyətə cəlb olunmasını tələb edib. İş quru, dəniz və hava yolu ilə miqrantların qaçaqmalçılığına qarşı BMT-nin Protokolundan irəli gələn öhdəliklərin dövlətlər tərəfindən pozulmasına aiddir.
Lider-media.az xəbər verir ki, 2021-ci ildən bəri Litva Belarusdan qeyri-qanuni immiqrant axınında görünməmiş artımla üzləşib. Litva hakimiyyət orqanları tərəfindən toplanmış sübutlar Belarus rejiminin miqrasiya axınının təşkilində birbaşa iştirakını təsdiqləyir. Belarusun dövlət şirkətləri Yaxın Şərqdən və digər regionlardan uçuşların sayını artırıb, gələn immiqrantlara vizaların verilməsini və yaşayış yeri ilə təmin olunmasını təşkil ediblər. Belarusa gəldikdən sonra bir çox miqrant Belarus təhlükəsizlik qüvvələrinin müşayiəti ilə Litva sərhədinə gətirilib və çox vaxt təhlükəli və həyati təhlükəsi olan şəraitdə qeyri-qanuni yollarla sərhədi keçməyə məcbur edilib.

Əməkdaşlığa dair çoxsaylı müraciətlərə məhəl qoymayan Belarus sərhəd orqanları bu qeyri-qanuni sərhəd keçidlərinin qarşısını almaq üçün Litva hakimiyyəti ilə əməkdaşlıqdan imtina ediblər. Litva bu hərəkətləri Belarus rejiminin immiqrantlardan Belarus demokratiyasını dəstəkləməsinə və insan haqlarının pozulmasına görə tətbiq edilən sanksiyalara cavab olaraq Litva və Avropa İttifaqına siyasi təzyiq vasitəsi kimi istifadə etmək cəhdi kimi qiymətləndirir.

Litvanın tələblərinə dəymiş ziyanın, xüsusən də divarın tikintisi ilə bağlı xərclərin tam ödənilməsi və beynəlxalq hüququ pozan hərəkətlərin təkrar olunmayacağına zəmanət daxildir.

Hədiyyə Aslan