Suriyaya qarşı tətbiq olunan sanksiyaların ləğvi bu ölkədəki sabitlik və rifah üçün böyük əhəmiyyət kəsb edir.

Lider-media.az AZƏRTAC-a istinadən xəbər verir ki, bunu Türkiyənin xarici işlər naziri Hakan Fidan ABŞ-ın Dövlət katibi Marko Rubio ilə telefon danışığı zamanı deyib.

Xarici diplomatiya rəhbərləri Suriya ilə yanaşı, Yaxın Şərqdə və Ukraynadakı vəziyyəti də müzakirə ediblər.

ABŞ vətəndaşı Edan Aleksandrın HƏMAS hərəkatı tərəfindən azad edilməsinin vacibliyi vurğulanıb.

Rusiya ilə Ukrayna arasında planlaşdırılan danışıqlarla bağlı fikir mübadiləsi aparılıb.

Fidan və Rubio, həmçinin mayın 14-15-də Antalyada keçiriləcək NATO xarici işlər nazirlərinin qeyri-rəsmi toplantısının təfərrüatları ətrafında fikir mübadiləsi aparıblar.