Taleh Qaraşov səyyar qəbulun Novruz bayramının dördüncü, sonuncu çərşənbəsi - Torpaq çərşənbəsi ərəfəsinə təsadüf etdiyini bildirib, yerli sakinlərin simasında bütün lənkəranlıların Torpaq çərşənbəsini təbrik edib.

Lənkəran ŞİH-nin başçısı ötən görüşdə qaldırılan məsələlərin icra vəziyyəti barədə yerli sakinlərə məlumat verib və bildirib ki, heç bir müraciət diqqətdən kənar qalmır və qaldırılan bütün məsələlər şəxsi nəzarəti altındadır.

Səyyar qəbulda vətəndaşların maneəsiz, könüllü şəkildə fikir və istəklərinin rayon rəhbərliyinə çatdırılmasına tam şərait yaradılıb. T.Qaraşov yerli sakinlərin istək və qayğılarını dinləyib, icra hakimiyyətinin səlahiyyətləri çərçivəsində olan və ədalətli qaldırılan məsələlərin yerində həllindən ötrü göstəriş və tapşırıqlarını verib. 

Qarşılıqlı açıq dialoq şəklində keçirilən səyyar qəbulda Rvo, Mollakənd və Əşlə kəndlərinin sakinləri onları narahat edən problemləri birbaşa icra başçısına çatdırıblar. Yerli sakinlər cənab Prezident İlham Əliyevin və Birinci vitse-prezident Mehriban xanım Əliyevanın sosial sahəyə göstərdikləri diqqət nəticəsində ölkədə sosial inkişaf istiqamətində mühüm nailiyyətlərin əldə olunduğunu vurğulayıblar və buna görə onlara minnətdarlıqlarını bildiriblər.

Taleh Qaraşov kənd sakinləri ilə görüşdü - FOTOLAR