Şimali Kipr Türk Cümhuriyyətinin (ŞKTC) Prezidenti Ersin Tatar İngiltərənin Kipr türklərinə gözlənilən neytrallığı və yaxınlığı göstərmədiyini bildirib. Ersin Tatar vurğulayıb: "İki dövlətli həll Kiprdə ədalətli və davamlı həllin yeganə variantıdır".

Lider-media.az xəbər verir ki, bu fikirləri Çimali Kipr Prezidenti Böyük Britaniyanın Avropa və Şimali Amerika üzrə dövlət naziri Stiven Doughtyni qəbul edəndən sonra keçirdiyi mətbuat konfransında deyib.  

İngiltərənin Kipr məsələsi ilə bağlı mövqeyini tənqid edən Ersin Tatar bu ölkənin son illərdə Cənubi Kiprlə əlaqələrini inkişaf etdirməsinin Kiprdəki bərabərsizliyi daha da dərinləşdirdiyini diqqətə çatdırıb. Prezident Kipr türk tərəfinin Cenevrəyə “konstruktiv şəkildə" gedəcəyini bildirib və rəsmi danışıqların yalnız suveren və beynəlxalq bərabərlik prinsipləri əsasında baş tuta biləcəyini qeyd edib.

Səadət Hakıyeva