Martın 4-də Bakıda “Daha ədalətli bir dünya mümkündür” mövzusunda beynəlxalq tədbir keçiriləcək

 “Gələcəkdə ölkələrimizin tanıtımına dair layihələrimiz həyata keçiriləcək, xüsusilə dezinformasiya ilə mübarizəzimizi gücləndirəcəyik”.

Lider-media.az xəbər verir ki, bu fikirlər Türkiyə Prezident Administrasiyasının Kommunikasiya İdarəsinin rəhbəri Fəxrəddin Altunun “Azərbaycan Respublikası ilə Türkiyə Respublikası arasında media sahəsində strateji əməkdaşlıq haqqında” Anlaşma Memorandumunun 5 ili: Birgə  fəaliyyətə baxış, gələcək hədəflər” mövzusunda fevralın 19-da Bakıda təşkil edilən dəyirmi masanın  iştirakçılarına müraciətində yer alıb.  

Martın 4-də Bakıda “Daha ədalətli bir dünya mümkündür” mövzusunda birgə tədbir keçiriləcəyini də diqqətə çatdıran F.Altun deyib: “Ötən müddət ərzində müxtəlif tədbirlərdə bir araya gəldik və Ortaq Media Platformunun ilk iclasında “Kamu diplomatiyası”, “Beynəlxalq media”, “Strateji kommunikasiya”, “Təhsil”, “Qanunvericilik və tənzimləmə”, “Rəqəmsallaşma və beynəlxalqlaşma” komitələrinin yaradılmasına qərar verdik”.