Muxtar respublikada artıq 50-dən çox proaktiv xidmət fəaliyyətdədir və 22 mindən  çox pensiya, müavinət və təqaüd proaktiv qaydada təyin edilibƏmək və Əhalinin Sosial Müdafiəsi Nazirliyi və Naxçıvan Muxtar Respublikasının Əmək və Əhalinin Sosial Müdafiəsi Nazirliyinin birgə işləri nəticəsində muxtar respublikada da 2023-cü ilin ortalarından əmək, məşğulluq, sosial müdafiə sahələrində geniş elektronlaşdırma proqramı icra olunur.
Muxtar respublikada sosial sahə üzrə artıq 50-dən çox proaktiv xidmət fəaliyyətdədir və MR-də 22 mindən çox pensiya, müavinət və təqaüd elektron sistemlər üzərindən proaktiv qaydada təyin edilib. Onlardan 11 mini pensiya, qalan hissəsi müavinət və təqaüdlər olub. 
 Beləliklə, sosial ödənişlər onları almağa hüququ yaranmış şəxslərin müraciətinə və sənəd təqdim etmələrinə ehtiyac qalmadan proaktiv qaydada təyin edilib. Muxtar respublikada həmçinin əlillik və ünvanlı sosial yardım sistemlərinin də elektronlaşdırılması, proaktiv qaydada sosial sığorta nömrəsi verilməklə e-fərdi şəxsi hesabların açılması xidmətlərinin qurulması təmin edilib. 
Sakinlər üçün “Əmək və Məşğulluq” altsistemindən, “e-sosial” portalından, o cümlədən portal üzərindən “Pensiya kalkulyatoru” xidmətindən faydalanmaq, e-arayışlar əldə etmək və s. imkanlar da yaradılıb. Ötən dövrdə Naxçıvan MR üzrə 15 minədək e-arayış əldə olunub.