Əməkdaşlarla görüşdə əmək və əhalinin sosial müdafiəsi naziri Sahil Babayev təltif olunmuş Nazirlik əməkdaşları adından göstərilən diqqət və qayğıya görə Prezident İlham Əliyevə minnətdarlığını ifadə edib. 

 S.Babayev sosial islahatlar prosesində səmərəli fəaliyyəti ilə fərqlənən əməkdaşların əməyinin dövlət başçısı tərəfindən yüksək dəyərləndirildiyini, 2018-2024-cü illər ərzində ölkə Prezidenti tərəfindən Nazirliyin 147 əməkdaşının dövlət təltiflərinə layiq görüldüyünü bildirib. 

Nazir əməkdaşları təbrik edərək onlara yeni nailiyyətlər arzu edib. Görüşdə Nazirlik sistemində kadr siyasəti və insan resurslarının idarə edilməsi sahəsində görülən işlərə dair məlumat verilib. 

Sonra vəsiqələr və medallar təqdim edilib. 

Dövlət təltifinə layiq görülmüş əməkdaşlar dövlətimizin başçısına onların fəaliyyətinə verdiyi yüksək qiymətə görə minnətdarlıqlarını ifadə edib, göstərilən diqqət və qayğıya, etimada uyğun olaraq bundan sonra da sosial müdafiə sisteminin inkişafı proseslərinə töhfə vermək əzmilə səylə çalışacaqlarını vurğulayıblar.