Mərkəz “Avropanın ən yaxşı rəqəmsal innovasiyalar mərkəzi - 2024”, “Avropanın aparıcı sosial texnologiyalar provayderi - 2024” və “Ən etibarlı sosial texnologiya xidmətləri provayderi -2024” kateqoriyalarında qalib olub. Müsabiqəyə müraciət zamanı DOST RİM-in sosial sahə üzrə rəqəmsal xidmətləri,  nailiyyətləri, həmçinin ölkəmizdə sosial sahədə tətbiq olunan proaktiv həllər barədə məlumatlar təqdim edilib.
Müsabiqədə ölkəmizlə yanaşı, Yaponiya, Çin, Malaziya, İtaliya, Almaniya, Səudiyyə Ərəbistanı, Sinqapur və s. kimi digər ölkələrdən 150-ə yaxın nüfuzlu qurum, o cümlədən bir sıra qlobal şirkətlər iştirak edib. 

“World Business Outlook” qlobal biznes meylləri, iqtisadi proqnozlar və bazar gözləntiləri haqqında məlumat verən hesabat və sorğu platformasıdır. Platforma biznes və maliyyə sektorunda müstəsna nailiyyətlərin, əhəmiyyətli töhfələrin tanıdılması üçün illik əsasda müsabiqələr həyata keçirir.