Azərbaycanın aparıcı marketpleysi olan Umico.az Qarabağda genişlənmə strategiyası çərçivəsində Şuşa şəhərində ilk təhvil məntəqəsini istifadəyə verdi. Bu addımla şirkət ölkə hüdudları çərçivəsində böyümək hədəfinə daha da yaxınlaşdı. Yeni məntəqə ilə birlikdə Umico.az ölkə üzrə çatdırılma şəbəkəsini daha da genişləndirmiş və onlayn alış-verişin rahatlığını daha çox insana əlçatan etmiş oldu.  Umico.az hal-hazırda 500 000-dən çox məhsul çeşidi ilə Azərbaycanın böyük onlayn ticarət platformasıdır. Gözəllik və baxım məhsullarından tutmuş, böyük və kiçik məişət texnikası, oyuncaqlar, usta alətləri, avtomobil ehtiyat hissələri və geymer aksessuarlarına qədər geniş çeşiddə məhsullar təklif edən platforma, müştərilərinə 7/24 sifariş imkanı və evə çatdırılma xidməti təqdim edir. Üstəlik Birbank taksit kartı sahibləri 24 aya qədər sərfəli taksit imkanından yararlana bilərlər. Platformanın təqdim etdiyi kredit şərtləri isə müştərilər üçün əlçatan və asandır. 

 Şuşadakı məntəqənin rəsmi açılışında çıxış edən Umico.az-ın Baş İcraçı Direktoru Rauf Qulaməliyev bildirib: "Umico.az olaraq əsas hədəfimiz Azərbaycanın hər bir nöqtəsində müştərilərimizə rahat və sürətli xidmət göstərməkdir. Şuşada açdığımız yeni məntəqə ilə Qarabağ bölgəsindəki müştərilərimizə daha yaxın olmağı hədəfləyirik. Ölkənin böyük onlayn ticarət platforması olaraq texnologiya və rahatlığı birləşdirir, beləliklə müştərilərimizə ən yaxşı onlayn alış-veriş təcrübəsini yaşatmağa çalışırıq".