Bayram günlərində vətəndaşların istirahətini daha maraqlı və faydalı etmək, ekoloji şüurun artırılmasına dəstək olmaq məqsədilə milli parklarda müxtəlif tədbirlər təşkil olunub.
Belə ki, Şirvan və Ağgöl Milli Parklarında parkı ziyarət edən turistlər teleskopla quşları müşahidə edib, Şahdağ Milli Parkının ərazisində Böyük Qafqazın Başdağ silsiləsinin Qızıl Qaya massivindən donmuş şəlaləyə gəzinti təşkil olunub.
Qeyd edək ki, 2024-cü il ərzində ölkənin müxtəlif ərazilərini əhatə edən milli parklarımızı 224638 nəfər turist ziyarət edərək təbiətin bizə bəxş etdiyi gözəlliklərdən zövq alıblar.