"Yelo Bank" ASC-nin növbəti sosial məsuliyyət layihəsi çərçivəsində Bankın əməkdaşları Şamaxı şəhərində şəhid ailələrini və qaziləri ziyarət etdilər. Layihənin məqsədi onları təkcə bayram sovqatları ilə sevindirmək deyil, həm də bayramqabağı mənəvi dəstək göstərərək onların yanında olmaq idi.Ziyarət zamanı komanda hər ailə tərəfindən isti qarşılandı və səmimi görüşlər oldu. Ailələrin dediyi "Şəhid qapısı hər zaman ziyarətə açıqdır" ortaq cümləsi həm komanda üzvlərini duyğulandırdı, həm də bu cür təşəbbüslərin nə qədər dəyərli olduğunu göstərdi.