Vətən müharibəsindən sonra 382 nəfər mina qurbanı qeydə alınıb, onlardan 70 nəfəri həlak olub, 312 nəfəri müxtəlif dərəcəli xəsarət alıb.Bunu Azərbaycan Respublikasının Minatəmizləmə Agentliyinin (ANAMA) şöbə müdiri Ramil Əzizov Azərbaycanda minadan zərərçəkənlərlə bağlı 11 rayon və şəhər üzrə aparılan tədqiqatın nəticələri barədə keçirilən tədbirdə bildirib.Onun sözlərinə görə, insanların ölümü və xəsarət alması ilə nəticələnən mina insidentlərinin çoxu əvvəllər “təmas xətti” deyilən ərazilərdən kənarda baş verib: “Bu hadisələrin 70%-ə yaxını müdafiə məntəqələrində deyil, keçmiş təmas xəttindən kənarda mülki təyinatlı ərazilərdə qeydə alınıb. Sözsüz ki, aparılan maarifləndirmə və məlumatlandırma tədbirləri nəticəsində 2020-ci ildən bu günə qədər insidentlərin sayında azalma müşahidə olunub. Dövlət qurumları – Daxili İşlər Nazirliyi, Baş Prokurorluq, Fövqəladə Hallar Nazirliyi və digər - səhiyyə, sosial müdafiə qurumları ilə birgə görülən tədbirlərin nəticəsində insidentlərin yarıdan çoxunun qarşısı alınıb”.

Şöbə müdiri qeyd edib ki, bu günə qədər 177 min hektar ərazi mina və partlamamış hərbi sursatdan (PHS) təmizlənib, 176 mindən çox mina və PHS aşkarlanaraq zərərsizləşdirilib.

ANAMA-nın vətəndaş cəmiyyəti institutları ilə qarşılıqlı fəaliyyətindən danışan şöbə müdiri qeyd edib ki, mina təmizləmə əməliyyatları ilə birgə bu sahədə icra edilən maarifləndirmə fəaliyyəti insidentlərin sayının azalmasına əhəmiyyətli təsir