Dövlət Sərhəd Xidmətinin mətbuat mərkəzindən verilən məlumata görə, dekabrın 9-da saat 17:30-da “Xudat” sərhəd dəstəsinin xidməti ərazisində Əlcəzair Xalq Demokratik Respublikası vətəndaşları – 40 yaşlı Zehioua Mohamed El Amine, 34 yaşlı Hamdani Hamza, 31 yaşlı Boumaali Sid Ali, 25 yaşlı Cherichi Hichem və 21 yaşlı Nebab Aimen dövlət sərhədini pozmağa cəhd göstərərkən saxlanılıb.

Araşdırma tədbirləri nəticəsində saxlanılan şəxslərin qeyri-qanuni yolla Avropa ölkələrinə miqrasiya etmək niyyətində olduqları müəyyən edilib.Fakt üzrə qeyri-leqal miqrasiya kanalının aşkarlanması istiqamətində əməliyyat-istintaq tədbirləri davam etdirilir.