AAYDA bildirir ki,Pirşağı–Novxanı–Xırdalan–M4 avtomobil yolunun tikintisi ilə əlaqədar sözügedən avtomobil yolunun  Pirşağı-Kürdəxanı Olimpiya İdman Kompleksinin yaxınlığında (Pirşağı dairəsi adlanan ərazi) yol hərəkəti iştirakçılarının təhlükəsizliyinin təmin edilməsi, avtomobillərin keçmə növbəliliyinin tənzimlənməsi, yol-nəqliyyat hadisələrinin qarşısının alınması və tıxacların aradan qaldırılması məqsədilə ərazidə təmir-tikinti işləri başa çatana qədər  Daxili İşlər Nazirliyi Nəqliyyatı İntellektual İdarəetmə Mərkəzi tərəfindən işıqforlar quraşdırılıb. Bununla əlaqədar olaraq, sürücülərə sözügedən hissədə hərəkətdə olarkən diqqətli olmaları, yol hərəkəti qaydalarına və iş aparılan ərazilərdə qoyulmuş müvəqqəti nişanların və işıqforların tələblərinə riayət etmələri tövsiyə olunur.