Azərbaycan Həmkarlar İttifaqları Konfederasiyasının üzv təşkilatı Aqrar Sahə İşçilərinin Həmkarlar İttifaqı Birliyi işçilərin əməyinin qiymətləndirilməsi və onların yubiley yaşının qeyd olunması istiqamətində fəaliyyətini davam etdirir.Bu məqsədlə Aqrar Xidmətlər Agentliyinin həmkarlar ittifaqı Gəncə, Zərdab, Biləsuvar, Balakən, İmişli, Xaçmaz və Lənkəran rayonlarında fəaliyyət göstərən müəssisələrdə görüşlər keçirib, işçilərin vəziyyəti ilə maraqlanıb.

Aqrar Xidmətlər Agentliyinin həmkarlar ittifaqının nümayəndəsi Şəhriyar Alxanov kənd təsərrüfatının inkişafında xidmətləri olan əməkdaşları təbrik edib.Aqrar sahənin inkişafında səmərəli fəaliyyət göstərən əməkdaşlara fəxri fərman və hədiyyələr təqdim olunub.