Lider-Media.az tədbirdə qlobal iqlim dəyişikliyinin su ehtiyatlarına təsiri və bu istiqamətdə davamlı inkişafın təmin olunması məsələləri müzakirə olunub. Sessiyada Azərbaycan Ekologiya və Təbii Sərvətlər naziri Muxtar Babayev, Beynəlxalq Hidrogeoloqlar Assosiasiyasının (IAH/AIH) sədri və Nevada Universitetinin professoru David Kreamer, Rusiya Federal Su Ehtiyatları Agentliyinin sədri Dmitri Kirillov Mixayloviç və Şəhər Su və Kanalizasiya İnfrastrukturları Departamentinin direktoru İtai Saqi iştirak ediblər.
Müzakirələrdə qlobal temperaturun artması, yağıntı rejimlərinin dəyişməsi, ekstremal hava hadisələrinin tezliyi və onların su ehtiyatlarına təsiri kimi aktual məsələlərə toxunulub. Həmçinin, su resurslarının idarə olunmasında beynəlxalq əməkdaşlığın və müasir texnologiyaların tətbiqinin vacibliyi vurğulanıb. Tədbir, iqlim çağırışlarına qarşı dayanıqlı və innovativ həll yollarının axtarışı istiqamətində əhəmiyyətli platforma rolunu oynayıb.