Narkotiklərlə Mübarizə İdarəsinin  əməkdaşları tərəfindən keçirilən əməliyyat tədbirləri nəticəsində narkotik tərkibli çətənə bitkiləri yetişdirməkdə şübhəli bilinən Babək rayon sakini, 1972-ci il təvəllüdlü Namiq Məmmədov saxlanılıb.
Babək rayonu  ərazisində yerləşən ona məxsus fərdi yaşayış evinin həyətyanı sahəsinə keçirilən baxış zamanı  kultivasiya yolu ilə yetişdirilmiş 11 ədəd çətənə bitkisi aşkarlanaraq götürülüb.
Faktla bağlı cinayət işi başlanıb, araşdırmalar aparılır.

Narkotiklərlə Mübarizə İdarəsinin  əməkdaşlarının keçirdikləri digər əməliyyat tədbirləri nəticəsində qanunsuz olaraq narkotik vasitələrin saxlanmasında, istifadəsində və daşınmasında şübhəli bilinən Ş. Babayeva saxlanılıb. Onun yaşadığı mənzilə baxış zamanı karqo şirkətlərinin birindən əldə etdiyi bağlamada video kasetin içərisində gizlədilmiş marixuana və metamfetamin  aşkarlanıb .
Faktla bağlı, araşdırmalar davam etdirilir.