Lerikdə yerləşən tam orta məktəblərdə gənclərin Daxili İşlər Nazirliyi sistemində təhsilə və xidmətə təşviq edilməsi ilə bağlı silsilə tədbirlər təşkil edilib.

DİN Mətbuat Xidmətindən Lider-media.az-a bildirilib ki, IX-XI sinif şagirdləri və valideynlərlə keçirilən görüşlərdə Polis Akademiyasına qəbul qaydaları, kursantların maddi, sosial təminatları, imtiyazları barədə ətraflı məlumat verilib.
Növbəti tədris ilindən hüquqşünaslıqla yanaşı İnformasiya təhlükəsizliyi ixtisası üzrə də kursant qəbulunun həyata keçiriləcəyi nəzərə alınaraq qəbulun şərtləri barədə şagirdlər məlumatlandırılıblar.