“Yaşıl dünya naminə həmrəylik ili” çərçivəsində ictimaiyyətin tullantıların düzgün idarə olunması barədə maarifləndirilməsi, çeşidləmə vərdişlərinin stimullaşdırılması, resurslardan daha səmərəli istifadə edilməsi, tullantıları mənbəyində toplayıb təkrar emal edilməsi məqsədilə Ekologiya və Təbii Sərvətlər Nazirliyinin təşkilatçılığı, rayon icra hakimiyyətlərinin, bir sıra özəl təşkilatların dəstəyi ilə müxtəlif ərazilərdə “Tullantıları hədiyyələrə dəyiş” festivalları keçirilib.
Kiçikdən böyüyə hər kəsin marağına səbəb olan festivallar çərçivəsində vətəndaşlar tullantıları təhvil verərək əvəzində müxtəlif hədiyyələr əldə ediblər.