10-11 sentyabr günlərində Azərbaycan Atçılıq Federasiyasının təşkilatçılığı ilə Novxanı Atçılıq Mərkəzində Peşəkar Çövkən Liqasında 8-ci turun oyunları keçirilib. Tura sentyabrın 10-da "Embovud" - "Ağstafa Dilbaz" görüşü ilə start verilib. Qarşılaşma birincinin 0:5 hesablı qələbəsi ilə başa çatıb. Tur "Köhlən" - "Zəfər" matçı ilə davam edib. Həmin oyunda isə qələbəyə sevinən ikinci olub - 1:8. Bu həm də turun ən çox qol vurulan oyunu kimi yadda qalıb. Günə "Qarabağ" - "Sərhədçi" oyunu ilə yekun vurulub. Qarşılaşma "Sərhədçi"nin böyük hesablı qələbəsi ilə başa çatıb - 0:5.

 Turun daha iki oyunu sentyabrın 11-də baş tutub. Əvvəlcə "Polad" klubu "Şirvan" üzərində darmadağın hesabla qələbə qazanıb - 7:1. Turun son matçında isə "Elit" klubu "Omar"ı üstələyib - 4:1. 

Qeyd edək ki, 10 klubun iştirakı ilə keçirilən PÇL-da sayca 9-cu olan növbəti turun oyunları 17-18 sentyabr günlərində keçiriləcək.