Artıq 1 aydır ki, “BakıKart” tətbiqi işləmir. Vətəndaşlar tətbiq vasitəsilə balansı artıra, gedişləri izləyə bilmirlər. Bəs bu problem həllini nə vaxt tapacaq?

Məsələ ilə bağlı Lider-media.az Azərbaycan Yerüstü Nəqliyyat Agentliyinə (AYNA) sorğu ünvanlayıb.

Qurum cavab olaraq bildirdi ki, “BakıKart” tətbiqində yaranan texniki nasazlığın aradan qaldırılması istiqamətində işlər davam etdirilir:

“Sərnişinlərdən ictimai nəqliyyatda ödəniş üçün müvəqqəti olaraq “BakıKart” kartlarından və mövcud digər alternativlərdən istifadə etməyi xahiş edirik”.

Təəssüf ki, bu dəfə də dəqiq tarixi öyrənmək mümkün olmadı.