“Avstriya Ukraynadakı münaqişənin həlli ilə bağlı danışıqlara ev sahibliyi etməyə hazırdır”. 

Lider-media.az xəbər verir ki, bunu Avstriyanın federal kansleri Karl Nehammer “X” sosial şəbəkəsində bildirib.

Nehammer Rusiya prezidenti Vladimir Putinin Ukrayna üzrə sülh danışıqlarına hazır olması ilə bağlı bəyanatlarını şərh edib. Siyasətçi Avropada Təhlükəsizlik və Əməkdaşlıq Təşkilatının (ATƏT) mənzil-qərargahı Avstriyada yerləşdiyi üçün münaqişənin həlli yolunda danışıqlar aparmağa hazır olduğunu bəyan edib.
"Biz Rusiya prezidentinin Ukrayna ilə sülh danışıqlarına açıq olması ilə bağlı bəyanatlarını nəzərə alırıq" deyə kansler vurğulayıb. Onun fikrincə, danışıqlar ilkin şərt olmadan aparılmalıdır.