İsveçdə doğum səviyyəsinin aşağı düşməsi nəticəsində növbəti üç il ərzində minə yaxın uşaq bağçasının bağlanması gözlənilir. 

Lider-media.az xəbər verir ki, bu proqnozla “İsveç İcmaları və Regionları” assosiasiyası çıxış edib.

"Bu o deməkdir ki, beş-altı ildən sonra daha az orta məktəbə ehtiyacımız olacaq" deyə əlavə edilib.
Mərkəzi Statistika Bürosunun məlumatına görə, 2024-cü ilin birinci yarısında İsveçdə doğum nisbətində kəskin azalma müşahidə edilib. Cəmi 50,5 min yeni doğulmuş körpə qeydə alınıb ki, bu da 21-ci əsrin bütün illəri ilə müqayisədə ən aşağı göstəricidir.